ग्रामपंचायत कार्यालय बदद्ल माहिती

ग्रामपंचायत माहिती

तळोशी हे नाशिक जिल्ह्यातील इगतपुरी तालुक्यातील एक प्रगतशील व ऐतिहासिक गाव आहे. तळोशी हे गाव पशुपालन व दुग्ध व्यवसायासाठी प्रसिद्ध असून, नाशिक शहरासह इगतपुरी तालुक्यात सर्वाधिक दूधपुरवठा करणारे गाव म्हणून याची ओळख आहे. गावाजवळील गोंदे व वाडीवऱ्हे MIDC मुळे स्थानिकांना मोठ्या प्रमाणावर रोजगार उपलब्ध झाला आहे. गावात वाचनालय, जिल्हा परिषद शाळा, जनता विद्यालय (घोटी), उपप्राथमिक आरोग्य केंद्र (नांदगावसदो), कार्यक्रमासाठी सभागृह, तसेच घरोघरी नळाद्वारे पाणीपुरवठा उपलब्ध आहे. प्रत्येक घराला रस्ता पोहोचलेला असून सांडपाणी व्यवस्थापन व घनकचरा व्यवस्थापन प्रभावीपणे राबवले जाते. गाव १००% हगणदारीमुक्त आहे. गावातील मंदिरांमध्ये "मारुती मंदिर" व "भवानी माता मंदिर" हे प्रमुख असून, नवरात्रात येथे यात्रेचे आयोजन होते. शैक्षणिक सुविधेत तळोशी आणि ठाकूरवाडी जिल्हा परिषद शाळा असून, इयत्ता १ ली ते ८ वी पर्यंतचे वर्ग भरवले जातात. अंगणवाड्या कार्यरत असून त्यांना पूर्णवेळ कर्मचारी उपलब्ध आहेत.